हामी सबैकाे संसारन्यूज

काठमाडौं । नेपालस्थित अमेरिकी दूतावासले भिसा ठगीका घटनाप्रति सचेत रहन सर्वसाधारणलाई आग्रह गर्दै आवेदन प्रक्रिया आफैं पूरा गर्न सुझाव दिएको छ।

दूतावासले सामाजिक सञ्जालमार्फत जारी गरेको सूचनामा भिसा प्रणालीको दुरुपयोग गर्ने र ठगी गर्ने गतिविधिले सबै भिसा आवेदकमाथि थप कडाइ हुने उल्लेख गरेको छ। साथै, अमेरिकी भिसा प्रणालीको सुरक्षा सुनिश्चित गर्न कडा जाँच प्रक्रिया अपनाइने र ठगीका घटनालाई अत्यन्त गम्भीर रूपमा लिइने जनाएको छ।

दूतावासले भिसा, राहदानी तथा Consular Report of Birth Abroad (CRBA) सम्बन्धी आवेदन अरूलाई पैसा दिएर नभर्न आग्रह गर्दै यसो गर्दा आर्थिक नोक्सानीसँगै व्यक्तिगत पहिचानसमेत जोखिममा पर्न सक्ने चेतावनी दिएको छ।

भिसा ठगीबारे जानकारी भएमा fraudktm@state.gov मा सूचना दिन दूतावासले अनुरोध गरेको छ। साथै, आवेदन प्रक्रिया र आवश्यक जानकारीका लागि अमेरिकी विदेश मन्त्रालयको आधिकारिक वेबसाइटबाट मात्र जानकारी लिन आग्रह गरेको छ।