हामी सबैकाे संसारन्यूज

काठमाडौं । पर्यटन व्यवसायी एवम् समाजसेवी तेजेन्द्र शर्मा पौडेललाई अमेरिकाको नेशन अफ हवाईले महावाणिज्यदूतमा नियुक्त गरेको छ । उनलाई हवाई राज्यको विदेश मामिला मन्त्री युसेफ इहाद्देनले नियुक्त गरेका हुन ।

इहाद्देनले पौडेलको निष्ठा र क्षमतामा विशेष विश्वास गर्दै दुई देशबीचको पारस्परिक र व्यापारिक सम्बन्ध विस्तारका लागि उनलाई नियुक्ती दिइको जनाएका छन् । शर्माको नियुक्तीले दुई देशबीचको पर्यटन, व्यापार, सामाजिक सेवा लगायतका क्षेत्रमा थप सम्बन्ध विस्तार हुने अपेक्षा गरिएको छ । नेपालको महावाणिज्यदूतमा नियुक्त गरेकोमा खुसी व्यक्त गर्दै पौडेलले दुईदेशबीचको सम्बन्ध, पर्यटन व्यापार, दिपक्षिय सम्बन्ध लगाएतका विषयको विकासमा सक्रियतापुर्वक काम गर्ने बताएका छन् ।

गाउँले पर्यटन–नेपाल (भिटोन) का अध्यक्ष समेत रहेका शर्मा तीन दशकदेखि नेपालको पर्यटन क्षेत्रमा क्रियाशिल रहँदै आएका छन् । उनी युक्रेनको कन्सुल एवम् मानव तथा सामाजिक सेवामा क्रियाशिल संस्था यूएन पिकेएफसी (हेडक्वाटर थाइल्याण्ड) को वरिष्ठ सल्लाहकार र गभर्नर अफ आइयुकेएसि न्यून स्पेनको पनि अबैतानिक महावाणिज्यदूत समेत रहेका छन् । नेशन अफ हवाई अमेरिकाको ५० औं राज्य हो ।