हामी सबैकाे संसारन्यूज

काठमाडौं । सरकारले १८ वर्षमाथिका सबैमा कोरोना भाइरसविरुद्धको बुस्टर डोज लगाउने भएको छ ।

सरकारले ७७ जिल्लामै कोरोना भाइरसविरुद्धको खोप लगाएर ६ महिना पूरा भएका १८ वर्षमाथिका सबैलाई उपलब्ध भएसम्म पहिले लगाएको सोहि खोप तथा नभएको खण्डमा कोभिसिल्ड, एस्ट्राजेनेका, मोर्डना, जोन्सन एण्ड जोन्सन वा फाइजर खोप बुस्टरको रुपमा लगाउने भएको हो ।

स्वास्थ्य मन्त्रालयले एक सूचना जारी गर्दै नजिकको खोप केन्द्रमा पुगेर खोप लगाउन समेत अनुरोध गरेको छ ।

उक्त सूचनामा कोरोना भएकाहरुका लागि संक्रमणमुक्त भएको एकमहिना पछि लगाउन मिल्ने छ भने बुस्टर डोज लगाउनका लागि पूर्ण मात्रा खोप लगाएको खोप कार्ड अनिवार्य रुपमा बोक्स समेत अनुरोध गरिएको छ ।