Sansar News
काठमाडौं । नेकपा (माओवादी केन्द्र)ले रिक्त प्रदेश इन्चार्जको जिम्मेवारी तोकेको छ । सोमबार सम्पन्न केन्द्रीय कमिटी बैठकले प्रदेश इन्चार्जको टुंगो लगाएको हो ।
जसअनुसार प्रदेश १ को इन्चार्जको जिम्मेवारी सुरेन्द्र कार्कीलाई दिइएको छ । यस्तै मधेस प्रदेशको इन्चार्ज गणेश शाह, वाग्मतीमा हितमान शाक्य, गण्डकीमा हितराज पाण्डे तोकिएका छन् ।
लुम्बिनी इन्चार्जमा चक्रपाणि खनाल, कर्णालीमा कालीबहादुर मल्ल र सुदूरपश्चिममा खगराज भट्टलाई तोकिएको छ ।
सम्पर्क समन्वय प्रदेशमा डिलाराम आचार्य र उपत्यका विशेष समन्वय प्रदेशमा लिलामणि पोखरेल चयन भएका छन् ।
वि.सं.२०७८ फागुन २४ मंगलवार १३:१५ मा प्रकाशित
