हामी सबैकाे संसारन्यूज

२४ फागुन, काठमाडौँ । न्यूजिल्याण्डमा जारी आईसीसी महिला एकदिवसीय विश्वकपमा पाकिस्तान लगातार दोस्रो खेलमा पराजित भएको छ । पाकिस्तान आफ्नो दोस्रो खेलमा अष्ट्रेलियासँग ७ विकेटले पराजित भएको हो ।

टस हारेर पहिले ब्याटिङ्ग गरेको पाकिस्तानले ५० ओभरमा ६ विकेट गुमाएर १९० रन बनाएको थियो । पाकिस्तानका लागि कप्तान बिस्माह मारुफले सर्वाधिक ७८ रनको पारी खेलेकी थिइन । त्यसैगरी आलिया रियाजले पनि ५३ रनको अर्धसतकीय पारी खेलेकी थिइन् । अष्ट्रेलियका लागि बलिङ्ग तर्फ भने अलाना किंगले सर्वाधिक २ विकेट हात पारेकी थिए ।

पाकिस्तानले दिएको १९१ रनको लक्ष्य अष्ट्रेलियाले ३४.४ ओभरमा ३ विकेट गुमाएर पुरा गर्यो । अष्ट्रेलियाका लागि एलिसा हेलीले ७९ बलमा ७२ रनको उत्कृष्ट पारी खेलेकी थिइन् पाकिस्तानका लागि बलिङ्गमा भने ओमाइमा सोहेलले सर्वाधिक २ विकेट लिएकी थिइन ।

जितसँगै अष्ट्रेलिय २ खेलबाट ४ अकं जोड्दैँ अकं तालिकाको शिर्ष स्थानमा उक्लिएको छ भने पाकिस्तान अन्तिम स्थानमा रहेको छ ।