Sansar News
काठमाडौं । नेपाली कांग्रेसले आगामी बैशाख ३० देखि हुने स्थानीयतहको निर्वाचनका लागि विभिन्न अभियान सन्चालन गर्ने भएको छ ।
फागुन २९ गतेदेखि चैत १ गतेसम्म संचालन एक महिने उक्त घर–घर जाऔं, कांग्रेस जिताऔं’ नाम दिइएको अभियानमा वडा र टोल तहसम्म पार्टीभित्र सौहार्दता, एकता र उर्जा अभिवृद्दि गराउने, पार्टी पंक्तिलाई स्थानीय निर्वाचनमा बृहत्तर परिचालनतर्फ उन्मुख गराउने लगायतका रहेका छन् ।
त्यसैगरी अभियान अघि बढाउन ७७ वटै जिल्लामा केन्द्रीय प्रतिनिधि खटाउने बताइएको छ । केन्द्रीय प्रतिनिधिहरु अभियान सुरु हुनु २ दिन अगाडि नै जिल्लामा पुग्ने र अभियानका क्रममा वडातहको कार्यक्रमलाई प्रभावकारी बनाउन प्रेरित गर्नका लागि सबै स्थानीय तहमा एकपटक अनिवार्य पुग्नुपर्ने बताइएको छ ।
त्यसैगरी विदेशस्थित जनसम्पर्क समितिहरुलाई आफु कार्यरत देशमा रहेका सदस्य, समर्थक र शुभचिन्तकहरुलाई मातृभूमिमा हुन लागेको स्थानीय चुनावमा आ–आफ्नो तहमा विविध ढंगले सम्पर्क, सुझाव र सहयोगका लागि सक्रिय बनाउन आग्रह गरेको छ । साथै सामाजिक संजालमार्फत् अभियानलाई शसक्त बनाएर लैजानका लागि समेत समितिहरुलाई आग्रह गरेको छ ।
यस्ता छन् अन्य कार्यक्रमहरु
वि.सं.२०७८ फागुन २४ मंगलवार १६:३१ मा प्रकाशित
