Sansar News
काठमाडौं । सानातिना मतभेदलाई बिर्सेर पार्टीलाई बहुमत दिलाउन नेपाली कांग्रेसका सभापति एवं प्रधानमन्त्री शेरबहादुर देउवाले आग्रह गरेका छन् । सभापति देउवाले आज पार्टी कार्यालयमा बसेको पार्टीका शीर्षनेता र केन्द्रीय सदस्यको बैठकमा यस्तो बताएका हुन् ।
सभापति शेरबहादुर देउवाले स्थानीयदेखि सङ्घीय तहमा हुन गइरहेको निर्वाचनमा पार्टीलाई बहुमत दिलाउन नेता, कार्यकर्तालाई निर्देशन दिँदै कांग्रेसको पक्षमा माहोल बनाउनुपर्नेमा जोड दिए । सभापति देउवाले पार्टीले सञ्चालन गर्ने चुनाव प्रचार अभियानमा वर्तमान सत्तारूढ गठबन्धनको विरोध नगर्नसमेत आग्रह गरेको बताइएको छ ।
कांग्रेसले आसन्न चुनावलाई लक्षित गरेर यही २९ फागुनदेखि एक महिनासम्म देशभर चुनाव प्रचार अभियान सञ्चालन गर्ने निर्णय गरिसकेको छ ।
वि.सं.२०७८ फागुन २४ मंगलवार १६:३९ मा प्रकाशित
