Sansar News
काठमाडौं । अबैध रुपमा लुकाएर १९ हजार ६ सय अष्ट्रेलियन डलर बोकेर अष्ट्रेलिया उड्न लागेकी एक महिला पक्राउ परेकी छन् ।
त्रिभुवन अन्तर्राष्ट्रिय विमानस्थलबाट अवैध रुपमा लुकाई लैजान लागेको १९ हजार ६ सय अष्ट्रेलियन डलर र ४२ अमेरिकी डलरसहित गोरखा बोर्लाङ–८ घर भई हाल कठमाडौंमा बस्ने २३ वर्षीया रन्जिता श्रेष्ठलाई प्रहरीले पक्राउ गरेको हो ।
कतार एयरलाइन्सको उडानद्वारा शनिबार काठमाडौंबाट दोहा हुँदै अष्ट्रेलिया जान लागेकी श्रेष्ठले ल्याएको व्यागेज विमानस्थलमा खटिएको प्रहरीले एक्सरे मेसिनमा जाँच गर्ने क्रममा उक्त मुद्रा फेला पारी उनलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।
वि.सं.२०७८ चैत ६ आइतवार १६:२३ मा प्रकाशित
