Sansar News
काठमाडौं । नेपालमा कोरोनाबाट संक्रमण हुनेको संख्या निरन्तर घट्दै आइरहेको छ ।
स्वास्थ्य तथा जनसंख्या मन्त्रालयका अनुसार आज ४,०६१ नमुना परीक्षण गरिएकामा ३७ जना संक्रमित थपिएका हुन् ।
आज थपिएका ३७ जनासँगै नेपालमा हालसम्म ९ लाख ७८ हजार १६४ जनामा कोरोना संक्रमण पुष्टि भएको छ । साथै आज निको भएका ३८२ जनासँगै नेपालमा हालसम्म कोरोना संक्रमणबाट मुक्त हुनेको संख्या ९ लाख ६२ हजार ९६४ पुगेका छन् ।
त्यस्तै केही दिनयता नेपालमा कोरोना संक्रमणबाट मृत्यु हुनेको संख्या शून्य रहेको छ । नेपालमा हालसम्म ११ हजार ९५० जनाको मृत्यु भएको छ ।
नेपालमा हाल ३,२४१ जना सक्रिय संक्रमित रहेका छन् । ती मध्ये ३,१८३ जना होम आइसोलेशनमा रहेका छन् भने ५८ जना संस्थागत आइसोलेसनमा रहेका छन् । साथै आइसीयुमा २७ र भेन्टिलेटरमा ५ जनाको उपचार भइरहेको छ ।
नेपालमा थप २२ हजार ६०७ मात्रा कोरोनाविरुद्धको खोप लगाइएको छ ।
२५ हजार परीक्षणमा २४९ मा संक्रमण पुष्टि
यो साता गरिएको कूल २५ हजार ६०८ पिसीआर परीक्षण गरिएकोमा २४९ जनामा कोरोना संक्रमण देखिएको छ । मन्त्रालयका अनुसार संक्रमण दर १ प्रतिशत मात्र हो । गत साताको तुलनामा ०.३ प्रतिशतले कमी हो ।
वि.सं.२०७८ चैत ६ आइतवार १६:५२ मा प्रकाशित
