Sansar News
काठमाडौं । शिव शिखर बहुउद्देश्यीय सहकारीका ४२ बचतकर्ताले बचत फिर्ता पाएका छन् । समस्याग्रस्त सहकारी व्यवस्थापन समितिले शिव शिखर बहुउद्देश्यीय सहकारी संस्थाका १४ जना र पशुपति सहकारीका २८ जना बचतकर्तालाई बचत रकम फिर्ता गरेको हो।
भूमि व्यवस्था, सहकारी तथा सामान्य प्रशासन मन्त्री प्रतिभा रावलको सचिवालयका अनुसार समस्याग्रस्त सहकारी संस्थाबाट ऋण असुली तथा सम्पत्ति व्यवस्थापनबाट प्राप्त रकममार्फत बचतकर्तालाई रकम फिर्ता गरिएको हो।
सचिवालयले प्रचलित कानुनी व्यवस्थाअनुसार समस्याग्रस्त सहकारी संस्थाबाट असुल भएको ऋण तथा सम्पत्ति व्यवस्थापनबाट प्राप्त रकम सम्बन्धित सहकारीका बचतकर्तालाई चरणबद्ध रूपमा फिर्ता गर्ने प्रक्रिया निरन्तर सञ्चालनमा रहेको जनाएको छ।
सरकारले समस्याग्रस्त सहकारीका बचतकर्ताको रकम फिर्ता गर्ने कार्यलाई प्राथमिकताका साथ अघि बढाउँदै ऋण असुली र सम्पत्ति व्यवस्थापनको प्रक्रियालाई समेत निरन्तरता दिएको जनाएको छ।
वि.सं.२०८३ साउन २० बुधवार १६:२४ मा प्रकाशित
