Sansar News
काठमाडौं । पछिल्लो एक महिनादेखि युक्रेनमाथि कडा आक्रमण गरिरहेको रुसलाई रोक्न अमेरिकाले अर्को बाजी खेल्ने भएको छ । अमेरिकी राष्ट्रपति जो बाइडेनले युरोपेली देशहरूसँग सीधा कुराकानी गरेर रुसविरुद्व रणनीति बनाउने तयारी गरेका छन् । यसका लागि उनी मार्च २५ मा पोल्याण्ड जानेछन् ।
बीबीसीले ह्वाइट हाउसलाई उद्र्धत गर्दै बताएअनुसार बाइडेनले पोल्याण्डका राष्ट्रपतिसँग द्विपक्षीय वार्ता गर्नेछन्। यस अवधिमा उनले रुसलाई रोक्न नेटो समर्थक देशहरुसँग सामूहिक छलफल गर्नेछन् ।
युक्रेन यात्रा गर्ने योजना छैन
ह्वाइट हाउसले बाइडेनको युक्रेन भ्रमण गर्ने भने कुनै योजना नभएको स्पष्ट पारेको छ । यद्यपि, बिडेन र नाटोले बारम्बार भनेका छन् कि उनीहरूले युक्रेनलाई हतियार र अन्य रक्षात्मक सहयोग उपलब्ध गराउनेछन्। तर, उनी रुससँग प्रत्यक्ष भिड्न चाहँदैनन् ।
युद्धको २६ औं दिन
युक्रेनमा रुसले आक्रमण गरेको झण्डै एक महिना पुगेको छ । दुई देशबीचको युद्धको आज २६ औं दिन हो । यति हुँदाहुँदै पनि यो युद्ध कहाँ रोकिन्छ भन्ने कुनै पनि पक्षबाट सङ्केत आएको छैन ।
रिपोर्टअनुसार भोलोडिमिर जेलेन्स्की राष्ट्रपति पुटिनसँग वार्ता गर्न तयार छन्। तर, वार्ता असफल भए पक्कै तेस्रो विश्वयुद्ध हुने उनको भनाइ छ ।
वि.सं.२०७८ चैत ७ सोमवार १२:२० मा प्रकाशित
