हामी सबैकाे संसारन्यूज

काठमाडौं । प्रहरी प्रधान कार्यालयले प्रहरी नायब उपरीक्षक (डीएसपी)हरुको सुरुवा गरेको छ । प्रहरी हेडक्वार्टरले मंगलबारदेखि लागू हुने गरी २५ डीएसपीको काज सुरुवा गरेको हो ।

बागमती प्रदेश प्रहरी कार्यालय हेटौँडामा कार्यरत डीएसपी अंगुर जिसीलाई जिल्ला प्रहरी परिसर ललितपुर सुरुवा गरिएको छ । यसैगरी जिल्ला प्रहरी कार्यालय सोलुखुम्बुमा कार्यरत कबित कटवालको अख्तियार दुरुपयोग अनुसन्धान आयोगको कार्यालय टंगालमा सुरुवा भएको छ ।

यस्तै, केन्द्रीय अनुसन्धान ब्युरो महाराजगञ्ज काठमाडौंमा कार्यरत कृष्णराज ओझालाई जिल्ला प्रहरी कार्यालय हुम्ला, साइबर ब्युरो साइबर अपराध अनुसन्धान शाखा काठमाडौंमा कार्यरत कैलाश राईलाई जिल्ला प्रहरी कार्यालय, ताप्लेजुङ र जिल्ला प्रहरी कार्यालय ओखलढुंगामा कार्यरत गोबिन्दराज काफ्लेलाई काजमा जिल्ला प्रहरी कार्यालय धनकुटा सुरुवा गरिएको छ ।