Sansar News
काठमाडौं । देशैभरीका यातायात कार्यालयका सेवाहरु अनिश्चितकालका लागि बन्द गरिएको छ ।
यातायात व्यवस्था विभागद्धारा बुधबार जारी सूचना अनुसार सर्भरहरुमा समस्या आएका कारण बुधबार ५ बजेदेखि अनिश्चितकालका लागि सबै सेवा बन्द गर्ने निर्णय गरेको हो ।
विभागका प्रवक्ता डा. लोकनाथ भुसालद्धारा जारी सूचनामा भनिएको छ, ‘विभागका सर्भरहरुमा विद्युतीय समस्या देखिएको र सो समस्या समाधान गर्न आज अपरान्ह ५ बजेदेखि उक्त समस्या समाधान नभएसम्मका लागि यातायात कार्यालयहरुबाट प्रदान गरिने सबै सेवाहरु अबरुद्ध हुने व्यहोरा जानकारीका लागि अनुरोध छ ।’
वि.सं.२०७८ चैत ९ बुधवार १५:२७ मा प्रकाशित
