Sansar News
काठमाडौं । नेपाली कांग्रेसको केन्द्रीय कार्यसमितिको बैठक बस्दैछ ।
आज दिउँसो २ बजे केन्द्रीय कार्यालय सानेपामा बस्न लागेको उक्त बैठकमा स्थानीय निकायको निर्वाचनका लागि उम्मेदवारहरुलाई टिकट दिने, संसदीय समिति गठन, फागुन २९ गतेदेखि सुरु गरिएको निर्वाचन केन्द्रीत घरदैलो अभियानको समीक्षालगायत विषयमा छलफल गरिने बताइएको छ ।
कांग्रेसले बैशाख ३० गतेदेखि सुरु हुने स्थानीय निकायको निर्वाचनमा महानगर र उपमहानगरको टिकट केन्द्रीय संसदीय समितिबाट दिने तयारी गरेको छ ।
त्यसैगरी आजको बैठकमा चुनावी तालमेलका विषयमा पनि छलफल हुने बताइएको छ ।
कांग्रेस सभापति शेरबहादुर देउवाले स्थानीयतह निर्वाचनको घोषणापत्र तयारीका लागि बिहीबार महामन्त्री गगन थापालाई संयोजक मनोनित गरेका छन् ।
वि.सं.२०७८ चैत ११ शुक्रवार ०८:४१ मा प्रकाशित
