हामी सबैकाे संसारन्यूज

ललितपुर । सेवाग्राहीलाई दुःख हैरानी दिने १५ जना पक्राउ परेका छन् । ललितपुर यातायात कार्यालयमा आएका सेवाग्राहीलाई दुःख हैरानी दिने १५ जना पक्राउ परेका हुन् ।

पक्राउ पर्नेमा ललितपुर महानगरपालिका-४ बागडोल बस्ने खोटाङ दिक्तेलकी इनिमाया राई सहित १५ जनालाई पक्राउ गरेको प्रहरीले जनाएको छ । ललितपुर महानगरपालिका-१३ कुसुन्तीस्थित यातायात व्यवस्था कार्यालय, बागमतीको कार्यालय परिसर तथा बाहिर समेत अनाधिकृत रुपमा मानिसहरु भेला भई कार्यालयमा आउने सेवाग्राहीहरूलाई अनावश्यक रुपमा झन्झटमा पारी कार्यालयको काममा समेत बाधा अवरोध पुर्याउने कार्य गरेकोले प्रहरीले उक्त कार्यमा संलग्न उनीहरूलाई पक्राउ गरेको हो ।

यस सम्बन्धमा आवश्यक अनुसन्धान भईरहेको प्रहरीले जनाएको छ ।