Sansar News
काठमाडौं । नेकपा एमालेका अध्यक्ष केपी शर्मा ओली र राष्ट्रिय प्रजातन्त्र पार्टी (राप्रपा) का महामन्त्री धवल शम्शेर राणाबीच भेट भएको छ ।
स्थानीयतहको निर्वाचनको संघारमा अध्यक्ष ओली र महामन्त्री तथा नेपालगन्जका मेयर राणाबीच बिहीबार राति नेपालगन्जको स्नेहा होटलमा भेट भएको हो ।
राप्रपाका प्रवक्ता एवं प्रचार विभागका प्रमुख मोहन श्रेष्ठका अनुसार उनीहरुबीच आगामी बैशाख ३० गतेबाट हुने स्थानीयतहको निर्वाचनमा तालमेल र समसायिक विषयमा छलफल भएको हो ।
भेटघाटमा स्थानीयतहको निर्वाचनमा तालमेल गर्ने विषयमा चरणबद्धरुपमा छलफल र संवाद गर्दै जाने भन्ने विषयमा छलफल भएको प्रवक्ता श्रेष्ठले बताएका छन् ।
वि.सं.२०७८ चैत १८ शुक्रवार १०:२७ मा प्रकाशित
