हामी सबैकाे संसारन्यूज

काठमाडौं । नेकपा (एमाले)ले आगामी स्थानीय तहको निर्वाचनमा दुई फरक धुव्रका धार्मिक अतिवादी समूहसँग चुनावी तालमेल गर्ने भएको छ । एमालेले हिन्दु अतिवादी समूहको पहिचान बनाएको कमल थापा नेतृत्वको राप्रपा नेपाल र एकनाथ ढकाल नेतृत्वको क्रिश्चियन अतिवादी समूह परिवार दलसँग चुनावी तालमेल गर्ने भएको हो ।

एमालेले बुधबार औपचारिक रुपमै दुवै दलसँग चुनावी तालमेलबारे सहमति गरेको छ । सहमतिअनुसार दुवै समूहले एमालेको चुनाव चिन्ह सुर्यबाट चुनाव लड्नेछन् ।

एमाले वरिष्ठ उपाध्यक्ष ईश्वर पोखरेल र उपाध्यक्ष विष्णु पौडेलको उपस्थितिमा बुधबार दुवै समूहबीच चुनावी तालमेलबारे सहमति भएको थियो ।

दुवै समूहसँग एमालेले ५/५ बुँदे सहमति गरेको छ । सहमति पत्रमा उल्लेख भएअनुसार एमालेको चुनाव चिन्हमा चुनाव लडेपनि निर्वाचित भएपश्चात जनप्रतिनिधि साबिककै पार्टीमा फर्किने छन् ।

०७४ मा भएको स्थानीय र प्रदेश र संघीय चुनावमा पनि एमालेको चुनाव चिन्हबाट केही मधेशवादी समूह चुनाव लडेका थिए ।