हामी सबैकाे संसारन्यूज

१ बैशाख, काठमाडौँ । २०२२ को आईपिएलमा मुम्बई इन्डियन्स लगातार आफ्नो पाँचौँ खेलमा पराजित भएको छ । मुम्बई आफ्नो पाँचौँ खेलमा पंजाब किंग्ससँग १२ रनले पराजित भएको हो ।

टस हारेर पहिले ब्याटिङ्ग गरेको पंजाबले २० ओभरमा ५ विकेट गुमाएर १९८ रन बनाएको थियो । पंजाबका लागि ब्याटिङ्गमा शिखर धवनले सर्वाधिक ७० रन बनाएका थिए । त्यसैगरी मयंक अग्रवालले पनि ५२ रनको अर्धसतकीय पारी खेलेका थिए । मुम्बईका लागि बलिङ्गमा भने विशाल थम्पीले सर्वाधिक २ विकेट हात पारेका थिए ।

१९९ रनको विशाल लक्ष्य पछाएको मुम्बईले २० ओभरमा ९ विकेट गुमाएर १८६ रनमात्र बनाउन सक्यो । मुम्बईका लागि ब्याटिङ्गमा डेवाल्ड ब्रेभिसले सर्वाधिक ४९ रन बनाएका थिए भने पंजाबका लागि बलिङ्गमा ओडियन स्मिथ सर्वाधिक ४ विकेट हात पारेका थिए ।

जितसँगै पंजाब किंग्स ५ खेलबाट ६ अकं जोड्दैँ अकं तालिकाको तेस्रो स्थानमा उक्लिएको छ ।