हामी सबैकाे संसारन्यूज

काठमाडौं । निर्वाचन आयोगले गण्डकी प्रदेशका सभामुख नेत्रनाथ अधिकारीसँग स्पष्टीकरण मागेको छ ।

सभामुख अधिकारीले बुधबार पोखरामा आयोजित एक कार्यक्रममा आफुले निर्वाचन आयोगलाई निर्वाचन खर्चको विवरण ढाँटेर पेश गरेको भन्ने सार्वजनिक अभिव्यक्ति दिएपछि आयोगले उनीमाथि स्पष्टीकरण सोधेको हो ।

‘तपाईले निर्वाचन आयोगमा आफुले खर्चको विवरण गलत बुझाएको भनी दिनुभएको भनी विभिन्न संचार माध्यममा प्रकाशित समाचारको विषयमा आयोगको गम्भीर ध्यानाकर्षण भएको छ,’ स्पष्टीकरण मागिएको पत्रमा भनिएको छ, ‘सो सम्बन्धमा देहायका विषयमा सात दिनभित्र आयोगलाई चित्त बुझ्दो जवाफ उपलब्ध गराइदिनुहुन अनुरोध गरिन्छ ।’

आयोगले सभामुखसँग तोकेको भन्दा बढी खर्च भएको, निर्वाचनमा खर्चको विवरण गलत बुझाएको भन्ने अभिव्यक्ति दिएको हो वा होइन भन्ने प्रश्न समेत गरेको छ ।