Sansar News
हनोइ । भियतनाममा ५ देखि ११ बर्षसम्मका बालबालिकाहरुलाई कोरोनाभाइरस विरुद्धको खोप लगाउन सुरु गरिएको छ ।
देशको उत्तरी क्षेत्रमा पर्ने क्वाङ निन्ह प्रान्तमा बिहीबार पहिलो खोप लगाएर बालबालिकाहरुको खोप अभियान सुरु भएको हो ।
पहिलो खोप मोर्डना खोप लगाइएको पनि अधिकारीहरुले जानकारी दिएका छन् । सो खोप अष्ट्रेलिया सरकारले प्रायोजन गरेको जनाइएको छ ।
बिहीबार झण्डै १५० विद्यालयका बालबालिकाहरुलाई खोप लगाइएको पनि अधिकारीहरुले जनाएका छन् । उनीहरुको सङ्ख्या झण्डै एक लाख ८१ हजार रहेको अनुमान गरिएको छ ।
“कोरोनाभाइरसको उच्च जोखिम भएको बर्गलाई उच्च प्राथमिकता दिएर खोप लगाउने रणनीति अनुसार बालबालिकाको पालो अहिले मात्रै आएको हो,” एक अधिकारीले भने ।
यसअघि विरामी, असक्त र जेष्ठ नागरिकहरुलाई उच्च प्राथमिकता दिएर खोप अभियान चलाइएको थियो । सिन्ह्वा
वि.सं.२०७९ वैशाख २ शुक्रवार ०७:५९ मा प्रकाशित
