हामी सबैकाे संसारन्यूज

काठमाडौं । आगामी बैशाख ३० गते हुने स्थानीयतहको निर्वाचन पर्यवेक्षणका लागि ६५ संघ÷ संस्थाका २० हजार बढीले निवेदन दिएका छन् ।

निर्वाचन आयोगले निर्वाचन पर्यवेक्षण गर्न चाहाने संघ संस्थालाई १५ दिनको म्याद दिएर गत चैत १३ गते निवेदन दिन गरेको आव्हानमा विद्युतीय माध्यमबाट देशैभरीका ६५ संघ÷संस्थाका २० हजार ४६७ जनाको निवेदन परेको छ । जसमा पुरुष ११ हजार ६९४, महिला ८ हजार ४८२ र अन्य २ सय ९१ जना रहेको निर्वाचन आयोगले जनाएको छ ।

आयोगका प्रवक्ता शालिग्राम पौडेलका अनुसार ती संघ संस्थाबाट आएका निवेदनमाथि जाँचबुझ गरी पर्यवेक्षण अनुमतिका लागि निर्णय लिइनेछ ।

३९ जिल्लाका लागि ७० लाख बढी मतपत्र छापियो
आयोगका अनुसार स्थानीयतहको निर्वाचनका लागि ७७ जिल्लामध्ये ३९ जिल्लाका लागि ७० लाख ३३ हजार मतपत्र छापेर तयार भइसकेका छन् । आयोगका अनुसार ७७ जिल्लाका लागि कूल १ करोड ९४ लाख थान मतपत्र छाप्नुपर्नेछ ।