Sansar News
काठमाडौं । पछिल्लो २४ घण्टामा गरिएको ४,६९१ नमुना परीक्षणमा १० जनामात्रै कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज थपिएका १० जनासँगै नेपालमा कूल संक्रमित हुनेको संख्या ९ लाख ७८ हजार ६७४ पुगेको छ । साथै आज निको भएका ३४ जनासँगै नेपालमा हालसम्म निको हुनेको संख्या ९ लाख ६६ हजार ३७३ पुगेको छ ।
नेपालमा हाल ३५० जना कोरोनाका सक्रिय संक्रमित रहेका छन् । जसमा ३३९ जना होमआइसोलेशन र ११ जना संस्थागत आइसोलेशनमा रहेका छन् । ती मध्ये ५ जना आइसीयु र १ जनाको भेन्टिलेटरमा उपचार भइरहेको छ ।
नेपालमा हालसम्म कोरोनाका कारण ११ हजार ९५१ जनाको मृत्यु भएको छ ।
पछिल्लो २४ घण्टामा १९ हजार ५२५ मात्रा कोरोना भाइरसविरुद्धको खोप लगाइएको पनि स्वास्थ्य मन्त्रालयले जानकारी दिएको छ ।
वि.सं.२०७९ वैशाख ५ सोमवार १७:०२ मा प्रकाशित
