Sansar News
काठमाडौं । नेकपा (एमाले) अध्यक्ष केपी शर्मा ओलीले माओवादी केन्द्र, एकीकृत समाजवादीलगायत सत्ता साझेदारलाई अलच्छिन तत्व भएको टिप्पणी गरेका छ । एमाले केन्द्रीय सल्लाहकार परिषद्को बैठकलाई सम्बोधन गर्दै ओलीले सबै गलत तत्वको नेतृत्व कांग्रेसले गरेको बताए ।
उनले कांग्रेस अब एमालेका लागि चुनौतिको रुपमा समेत नरहेको टिप्पणी गरे ।
“नेपाली कांग्रेस पनि चुनौतीको शक्ति हुन्थ्यो, राम्रो गर्यो, कांग्रेस नीति, संगठन, आचरण, ग्रहदशा, नक्षत्र र वास्तुका हिसाबले सकिँदैछ”, उनले भनेका छन्, “कांग्रेसले अलच्छिन जति बोकेर हिँडेको छ। हाप्सिलै हाप्सिला बोकेर हिँडेको छ।”
गठबन्धनसँगै सकिने बाटोमा कांग्रेस लागेको बताउँदै उनले भीरमा लड्न खोजिरहेका भैंसीको पुच्छर समातेर सँगै लड्ने बाटोमा रहेको टिप्पणी गरे। आगामी चुनावसँगै कांग्रेस नेतृत्वको गठबन्धन सकिने ओलीको भनाई छ ।
वि.सं.२०७९ वैशाख ८ बिहीवार १६:५२ मा प्रकाशित
