हामी सबैकाे संसारन्यूज

काठमाडौं । राष्ट्रपति विद्यादेवी भण्डारीले नवीन र गुणस्तरीय स्वास्थ्य शिक्षाका साथै स्वास्थ्य पूर्वाधारको विकासमा लगानी गर्नुपर्नेमा जोड दिएकी छन् । राष्ट्रपति भण्डारीले आज बिहान भिडियो सन्देश मार्फत बोआओ फोरम फर एसिया २०२२ को वार्षिक सम्मेलनलाई सम्बोधन गर्दै स्वास्थ्य शिक्षामा लगानी गर्नुपर्नेमा जोड दिएकी हुन् ।

राष्ट्रपति भण्डारीले नेपालजस्ता विकासोन्मुख देशको आर्थिक पुनरुत्थानका लागि विश्व समुदायलाई उदार प्याकेज ल्याउन विशेष अपिल गरेकी परराष्ट्र मन्त्रालयले जनाएको छ । उनले महामारी नियन्त्रण र रोकथाम गर्न र आर्थिक सुधारका लागि प्रोत्साहन सहयोग गर्ने विश्वास व्यक्त गरेकी मन्त्रालयद्वारा जारी विज्ञप्तीमा उल्लेख छ ।

राष्ट्रपति भण्डारीले जलवायु परिवर्तनका कारण परिरहेको असरमा पनि सबै मुलुकले पारस्परिक सहयोग र साझेदारीका गर्नुपर्ने धारणा व्यक्त गरिन् । चीनको हिनान प्रान्तमा जारी  बोआओ फोरम फर एसिया सम्मेलन शुक्रबार सम्पन्न हुनेछ ।