Sansar News
काठमाडौंं । नेकपा (एकिकृत समाजवादी) पार्टीले १ महानगरपालिका र ५ उपमहानगरपालिकामा आफ्नो उम्मेदवारको टुंगो लगाएको छ ।
सो पार्टीका महासचिव बेदुराम भुसालका अनुसार बैशाख ३० गते हुने स्थानीयतहको निर्वाचनमा सो पार्टीले पोखरा महानगरपालिकाको उम्मेदवारमा धनराज आचार्यको टुंगो लगाएको छ ।
त्यसैगरी हेटौडा उपमहानगरपालिकाको प्रमुखमा मिना लामा र अन्य चार उपमहानगर पालिका मध्ये काठमाडौं महानगरको उपप्रमुखमा रामेश्वर श्रेष्ठ, इटहरी उपमहानगरको उपप्रमुखमा केशवकुमार विष्ट, बुटवल उपमहानगर उपप्रमुखमा चिनबहादुर गुरुङ, तुल्सीपुर उपमहानगरपालिका उपप्रमुखमा जोग बहादुर राना मगरको नाम टुंगो लगामएको हो ।
‘हाम्रो पार्टीका तर्फबाट उम्मेदवार बन्नु भएका प्रमुख/उपप्रमुख, अध्यक्ष/उपाध्यक्ष तथा वडा अध्यक्ष र वडा सदस्य सबैले पार्टीको चुनाव चिन्ह् ‘कलम चिन्ह’ मा चुनाव लड्ने ।’ महासचिव भुसालद्धारा जारी विज्ञप्तिमा भनिएको छ ।
त्यसैगरी पाँच दलीय गठबन्धनभित्रका दलहरुबीच तालमेलको सहमति भएको स्थानमा सहमति अनुसारको उम्मेदवारी दिन र तालमेल नभएका स्थानमा पार्टीका तर्फबाट उम्मेदवार दिन पनि आग्रह गरिएको छ ।
वि.सं.२०७९ वैशाख १२ सोमवार ११:५८ मा प्रकाशित
