Sansar News
काठमाडौं । सत्तारुढ गठबन्धन दलले आज काठमाडौंमा चुनावी सभा गर्ने भएको छ ।
आज दिउँसो १ बजेका लागि शान्तिवाटिकामा आयोजित चुनावी सभामा शिर्ष नेतृत्वहरुले सम्बोधन गर्ने बताइएको छ ।
उक्त सभालाई पाँचदलीय गठबन्धनका शिर्ष नेताहरु प्रधानमन्त्री एवं नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष प्रचण्ड, नेकपा एकीकृत समाजवादीका माधव नेपाल, जनता समाजवादी पार्टी नेपाल र राष्ट्रिय जनमोर्चाका शीर्ष नेताले सम्बोधन गर्ने बताइएको छ ।
यहि बैशाख ३० गते हुने स्थानीयतहका निर्वाचनका लागि पाँचदलीय गठबन्धनका शिर्ष नेताहरुले देशका मुख्य–मुख्य सहरमा चुनावी सभा गर्ने निर्णय अनुरुप बिहीबार चितवनको भरतपुर महानगरपालिमा संयुक्त चुनावी सभा गरेका थिए ।
स्थानीयतहको निर्वाचनका लागि गठबन्धनबीच भएको तालमेल तथा भागबण्डा अनुसार नेपाली कांग्रेसले काठमाडौं, ललिलपुर र विराटनगर, नेकपा माओवादी केन्द्रले भरतपुर, एकिकृत समाजवादीले पोखरा र जसपाले विरगन्ज महानगरपालिकामा आफ्नो उम्मेदवार उठाएको छ ।
जसमा काठमाडौंमा गठबन्धनका तर्फबाट काठमाडौं महानगरमा कांग्रेसकी सिर्जना सिंहलाई मेयर र उपमेयरमा नेकपा एकिकृत समाजवादीका रामेश्वर श्रेष्ठलाई उम्मेदवार बनाईएको छ ।
वि.सं.२०७९ वैशाख २३ शुक्रवार १०:१३ मा प्रकाशित
