हामी सबैकाे संसारन्यूज

दाङ । दाङको घोराही उपमहानगरपालिकाको मेयरमा भारी मतसहित एमालेका नरुलाल चौधरी निर्वाचित भएका छन् ।

२०७४ मा मेयरमा निर्वाचित भएका चौधरीले दोस्रोपटक पनि उपमहानगरको मेयरमा जित हासिल गरेका हुन् ।

चौधरीले ३१ हजार ७२८ मत ल्याएर घोराही उपमहानगरको मेयरमा निर्वाचित हुँदा उनका प्रतिद्धन्द्धी सत्ता गठबन्धनबाट माओवादी केन्द्रको उम्मेदवार रहेका हेमराज शर्मा (डायमण्ड) ले २६ हजार ३६८ मत प्राप्त गरेका छन् । विजयी चौधरीले शर्माले भन्दा ५,३३० मत बढी ल्याएका थिए ।

त्यसैगरी नगर उपप्रमुखमा पनि एमालेकै हुमा डिसी विजयी भएकी छन् । डिसीले भुपबहादुर डाँगीलाई ४९ मतले पछि पार्दै विजयी भएकी हुन् । डिसीले ३,४०३ मत प्राप्त गर्दा डाँगीले ३,३५४ मत प्राप्त गरेका थिए ।

घोराहीका १९ वडामध्ये एमालेले १३ तथा सत्ता गठबन्धनबाट कांग्रेसले ५ र माओवादीले १ वडा जितेको छ । घोराहीमा काँग्रस, माओवादी र राष्ट्रिय जनमोर्चाले चुनावी तालमेल गरेका थिए ।