Logo
१२ असार २०७९, आईतवार
     Sun Jun 26 2022
E-paper
  English Edition
   Unicode
Logo

भ्रष्टाचार नगर्ने भन्दै देउताको घण्ट छोएर नगर प्रमुखले गरे पदभार ग्रहण



मुगु संसारन्यूज । मुगुको छायाँनाथ रारा नगरपालिकाका नवनिर्बाचित नगरप्रमुख बिष्णु कुमार भामले मुगुको प्रशिद्ध देउता थार्प मष्टो ऋणीमक्ष माइ र छायाँनाथ ठाकुरज्यूको घण्ट छोएर जनतालाई दुःख कष्ट नदिने। भ्रष्टचार नगर्ने तथा कुनै पनि कामका लागि कमिसन नखाने बताएका छन् ।

‘टेवलमा राखेको देउताको घण्ट छोएर भने नमुना नगर बनाउने मेरो इच्छा छ । म राज्यको बजेटमाथि नजर लगाउने छैन जनतालाई दुःख कष्ट दिने छैन ।’ उनले भने ।

३२ बर्षमै नगर प्रमुख
मुगुको एकमात्र छायाँनाथ रारा नगरपालिकामा यो पटक कलिला प्रमुख उपप्रमुखले प्रबेश गरेका छन् ।
उचाइ र उमेर उस्तै भएका कलिला युवायुवतीले नगरको जिम्मेवारी समाल्दा कर्मचारी नागरिक अगुवा र स्थानीयका लागि चासोको बिषय बनेको छ । नगरपालिका–४ भामबाडा गाउँका बिष्णु कुमार भाम ३२ बर्षमै कांग्रेस पार्टीबाट नगर प्रमुख बनेका छन् ।

एइइ पास गरेका उनी २८ बर्षको उमेरमा वडाअध्यक्ष जितेका थिए । नेबिसंघबाट राजनीतिक यात्रा सुरु गरेका उनी अहिले पार्टीबाट नगर प्रमुखको टिकट पाएर बिजयी भएका छन् । वडाअध्यक्षको ५ बर्षे कार्यकालमा भामले आफनो पारिश्रमिक बजेट १ देखि १४ वडाका गरिव दलित जेहेन्दारलाई बितरण गरि जनमुखी काम गरेको हुँदा यो पटक स्थानीय निर्बाचनमा सजिलै नगर प्रमुख जितेका छन् ।

यहाँका चारवटा स्थानीयतहका अध्यक्षदेखि पालिका प्रमुख दोहोरिन सकेनन भने कलिलो उमेरका भाम वडाअध्यक्षबाट नगरप्रमुख बनेका छन । ‘वडाअध्यक्ष हुँदा भामले जनमुखी काम गरेकोले अहिले जनताले नगर प्रमुखमा जिताए ।’ नागरिक अगुवा रुपबहादुर मल्लले भने, ‘जनतालाई बिकासप्रेमी ब्यक्तिको खाँचो छ ।’

वडाअध्यक्ष हुँदा उनले एक रुपैयाँ अनियमितता नगरि उल्टै नगरबाट पाएको सेवा सुबिधा गरिवलाई बाँडन घरदैलो पुगेका थिए । ५ बर्षे नगर प्रमुखको कार्यकालमा प्राप्त गरेको सेवासुबिधा गरिवलाई बितरण गर्ने भामले प्रतिबद्धता जाहेर गरि सकेका छन् । आफनो पारिश्रमको बजेटबाट वडा नं १ देखि १४ मा बिरामी बोक्ने एम्बुलेन्स दिने उनले चुनावमै सार्बजनिक गरिसकेका छन् । त्यति मात्र नभएर नगरका हरेक घरमा बिद्युत बिस्तार ग्रामिण सडक ग्राबेल तथा गरिव दलित तथा विपन्नहरुको आयआर्जनका लागि काम गर्ने बताएका छन् ।

‘मलाई पैसाको कुनै लोभ छैन । जनताको सेवा नै धर्म सम्झेर सेवा प्रवाह गर्छु’ उनी भन्छन् ‘प्रदेश र संघीय सांसदसम्म पुग्ने मेरो इच्छा भएकोले जनमुखी काम बिपरित कुनै पनि काम नगर्ने र कर्मचारीलाई पनि गर्न दिन्न ।’

त्यस्तै नगरपालिका–१ श्रीनगर गाउँकी ऐश्वर्य मल्ल पनि ३१ बर्षमै उपप्रमुख बनेकी छन् ।

कक्षा १२ पास गरेकी उनी नेपाली कांग्रेसको १४ औं महाधिबेशनमा जिल्ला कार्य समितिको सदस्यमा जितेर राजनीतिक यात्रा प्रारम्भ गरि यो पटकको स्थानीय चुनावमा नगर प्रमुख बनेकी हुन् ।
आफनो ५ बर्षे कार्यकालमा न्यायिक समितिलाई शसक्त बनाउने तथा गाउँबस्तीका मुद्दा मामिला अदालत प्रहरी कार्यालय जान नदिने उनको भनाई छ ।

ऐश्वर्य भन्छिन–‘अनुगमनलाई प्रभावकारी बनाई भ्रष्टाचार न्यूनिकरणका कदम चाल्ने योजना बनाएकी छ्,’ उनले भनिन्– ‘नगर उपप्रमुखमै मेरो यात्रा समाप्त हुने काम गर्र्दिन ।’
आफ्नो राजनीतिक यात्रालाई दिगो बनाउन जनमुखी सेवा प्रबाहमा बिशेष ध्यान दिने स्थानीयका कामकाज सर्बसुलभ छिटो छरिता ढंगले अघि बढाउने तथा महिला सशक्तिकरणमा ध्यान दिने उनको भनाई छ ।


यो खबर पढेर तपाईलाई कस्तो महसुस भयो ?

काठमाण्डौं । आज देशभरका पहाडी भू–भागका धेरै स्थानहरुमा र बाँकी भू–भागका थोरै स्थानहरूमा मेघ

जलेश्वर । महोत्तरी जिल्लाको गौशाला नगरपालिका–५ मा गए राति दुईतले घरको छतबाट लडेर एक

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा