हामी सबैकाे संसारन्यूज

काठमाडौं । सत्तारुढ नेकपा (माओवादी केन्द्र)का नेता वर्षमान पुनले बजेट कार्यान्वयनमा आशंका नगर्न आग्रह गरेका छन् । मंगलबार प्रतिनिधिसभाको बैठकमा बोल्दै उनले आगामी निर्वाचनसम्मै गठबन्धन कायम रहने हुँदा बजेट कार्यान्वयनमा समस्या नहुने बताए ।

उनले सरकारको नीति तथा कार्यक्रम एवम् उत्पादनमा आधारित भई रोजगारी सिर्जना र गरिबी नियन्त्रणजस्ता विषयमा केन्द्रीत देखिएकाले बजेट कार्यान्वयन हुने विश्वास देखाए । उनले कृषिमा पेन्सनको सुविधा, लघुवित्त कर्जा, बाँझो जमिनलाई उपयोग गर्ने विषय, किसानका उत्पादनलाई बजारको सुनिश्चिता, पशु बीमाको प्रिमियम वृद्धि, स्वदेशी उत्पादनलाई प्रश्रय, ज्ञानमा आधारिक व्यावसायिक सूचना केन्द्रजस्ता कार्यक्रम महत्त्वपूर्ण भएको बताए ।

नेता पुनले विद्युतीय गाडीको प्रयोग बढाउनुपर्ने भएकाले ती गाडीका लागि बढी कर नलगाउन आग्रह गर्दै आगामी निर्वाचनसम्म यही गठबन्धन कायम रहने भएकाले बजेटको कार्यान्वयनमा कुनै समस्या नआउने भनाइ राखेका छन् ।