हामी सबैकाे संसारन्यूज

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय तहको निर्वाचनमा धेरै पालिका जितेको कांग्रेस अहंकार पलाउन लागेको भन्दै चिन्ता व्यक्त गरेका छन् । उनले कांग्रेसले अहंकार देखाए एमालेलाई जस्तै ठेगान लगाइदिने पनि चेतावनी दिए ।

“ कांग्रेसलाई माओवादीले बडो मिहिनेत गरेर प्रधानमन्त्री बनायो तर, एमालेको जस्तो अहंकार गर्‍यो भने हामीले कांग्रेसलाई एमालेलाई जस्तै ठेगान लगाउन नपरोस्”, निर्वाचित जनप्रतिनिधिलाई प्रशिक्षण दिन आयोजित कार्यक्रममा उनले भने, “कांग्रेस अहंकारी होला कि भन्ने चिन्ता छ ।”

उनले माओवादीलाई हल्का रुपमा नलिन पनि सुझाएका छन् ।

“गठबन्धन एउटा उद्देश्यका लागि बनेको थियो, कायमै रहन्छ, स्थानीय तहमा प्राप्त शिक्षाको आधारमा गठबन्धनलाई अझ प्रभावकारी बनाउने सोचमा छौं”, प्रचण्डले भनेका छन्, “ यो गठबन्धनलाई लिएर जाने हो, कांग्रेसमा अहंकार नआ‌ओस्, माओवादीलाई हल्का रुपमा लिने काम नगरोस् भन्ने अनुरोध छ ।”

सम्बन्धित समाचार

पार्टी जनप्रतिनिधिसँग प्रचण्डको गुनासो – हाम्रो पहिचान मेटिन थाल्यो