हामी सबैकाे संसारन्यूज

काठमाडौं । नेकपा (एमाले)ले अर्थमन्त्री जनार्दन शर्माको राजीनामा माग गरेको छ । करको दर हेरफेर गरेको विषयमा मुछिएका अर्थमन्त्री पदमा बस्न नमिल्ने भन्दै एमालेले राजीनामा माग गरेको हो ।

मंगलबार प्रतिनिधिसभाको बैठकमा बोल्दै एमाले सांसद तथा पूर्वअर्थमन्त्री सुरेन्द्र पाण्डेले शर्मा पदमा बस्न लायक हुनुहुन्छ र ? भनि प्रश्न गरे ।

“यति गम्भीर प्रश्न उठेपछि अर्थमन्त्री त्यो पदमा बस्न लायक हुनुहुन्छ ? प्रधानमन्त्रीले यसको जवाफ दिनुपपर्ट्टछ कि पर्दैन ?”, उनले भनेका छन्, “करको विषय ज्यादै गोपनीय विषय हो, राष्ट्रको सुरक्षा स्वार्थको विषय हो, संसद्ले यसबारेमा कदम चाल्नुपर्छ, यसको जवाफ हामी चाहन्छौं, मन्त्रीले नैतिक हिसाबले त्यो पदमा बस्न मिल्दैन ।”

पाण्डेले अर्थमन्त्रीले संसदमा आएर किन जवाफ नदिएको भनि प्रश्न पनि गरे । बजेट निर्माणको बेलामा मन्त्री बाहेक कसैलाई फोन राख्ने अधिकारी नभएको भन्दै उनले बाहिरका मान्छे कसरी छिरे भनि प्रश्न तेर्स्याए ।

एमालेका प्रमुख सचेतक विशाल भट्टराईले भने अर्थमन्त्री जनार्दन शर्माले जवाफ दिने कार्यसूची हटाउन माग गरेका छन् । उनले अर्थमन्त्री शर्माले दिने जवाफमा एमाले सहभागि नहुने भन्दै कार्यसूचीबाट हटाउन माग गरे ।