हामी सबैकाे संसारन्यूज

काठमाडौं । सनराइज बैंकले कस्टमाइज्ड फोटो कार्डको सुरुवात गरेको छ । बैंकले सीएनएन हिरोज् अवार्ड तथा २०१७ को पद्म श्री पुरस्कार प्राप्त समाजसेवी अनुराधा कोइरालालाई पहिलो कस्टमाइज्ड कार्ड हस्तान्तरण गरी उक्त कार्डको सुरुवात गरेको हो ।

बैंकका प्रमुख कार्यकारी अधिकृत सुमन शर्माले माइती नेपालको कार्यालयमा आयोजना गरिएको उक्त कार्यक्रममा कस्टमाइज्ड फोटो सहितको कार्ड कोइरालालाई हस्तान्तरण गरेका हुन् । बैंकले नविनतम् बैंकिङ्ग सुविधा भित्राउने क्रममा सो कार्डको सुरुवात गरेको जनाएको छ ।

आफ्नो वा आफूले रोजेको व्यक्तिको फोटो, आफ्नो रमाइला पलहरुको फोटो, आफ्ना परिवार तथा महत्वपूर्ण क्षणका सम्झनाहरु त्था आफ्ना सिर्जनाहरुलाई डेबिट कार्डमा राख्न सकिने उक्त प्रबिधिमा कार्डको अग्रभागमा फोटो प्रिन्ट गर्न सकिने बैंकले जनाएको छ । बैंकका अनुसार यो सुविधा लिन https://icard.sunrisebank.com.np  मा गई आफ्नोे फोटो कार्डमा राखी रिक्वेस्ट सबमिट गर्न सकिने छ ।