Sansar News
काठमाडौं । नेपाली बजारमा सुनको भाउमा निरन्तर उतार चढाव भइरहेको छ ।
नेपाल सुनचाँदी व्यवसायी महासंघका अनुसार बुधबारको तुलनामा आज सुनको भाउ १४०० रुपैयाँले घटेको छ ।
बुधबारको बजारमा प्रतितोला ९६ हजारमा कारोबार भएको छापावाल सुनको भाउ बिहीबारको बजारमा प्रतितोला १४ सय रुपैयाँले घटेर ९४ हजार ६ सय रुपैयाँमा कारोबार भइरहेको छ ।
महासंघका अनुसार आजको बजारमा तेजावी सुन प्रतितोला ९४ हजार १०० रुपैयाँ रहेको छ भने चाँदी प्रतितोला ११८५ रुपैयाँमा कारोबार भइरहेको छ । बुधबारको तुलनामा आज चाँदीको भाउ पनि प्रतितोला १० रुपैयाँले घटेको छ ।
वि.सं.२०७९ असार २३ बिहीवार १३:५० मा प्रकाशित
