Sansar News
कोलम्बो । श्रीलङ्कामा इन्धन कारोबार गर्दा क्युआर कोडमार्फत गर्ने व्यवस्था लागू गरिएको छ ।
इन्धनको अभाव हुनु र इन्धन किन्न चाहने उपभोक्ता धेरै भएकाले भीड व्यवस्थापन गर्न गाह्रो भएर क्युआर कोड प्राणाली लागू गरिएको हो ।
क्युआर कोडमार्फत कारोबार गरेपछि इन्धनको समान तथा पारदर्शी वितरण हुने, लाइनमा भीड लगाउन नपर्नेे लगायतका फाइदा हुने सरकारी अधिकारीहरुले जनाएका छन् ।
देशभरिका सबै पेट्रोल पम्पहरुमा यो व्यवस्था गरिएको र उपभोक्तालाई पनि यस बारेमा जानकारी गराइएको ऊर्जामन्त्री कञ्चना विजेसेकेराले बताए ।
उनले इन्धन लिनका लागि पेट्रोल पम्पहरुमा भीडभाड नगर्न पनि उपभोक्तहरुलाई अनुरोध गरेका छन् ।
सरकारले उपभोक्तको चापका आधारमा हरेक पेट्रोल पम्पलाई इन्धनको कोटा निर्धाण गरेर कोटा अनुसारको इन्धन उपलब्ध गराएको छ । (रासस/एएनआई)
वि.सं.२०७९ साउन १६ सोमवार २१:०९ मा प्रकाशित
