Sansar News
इस्लामाबाद । बेपत्ता भएको पाकिस्तानी सेनाको हेलिकोप्टर भेटिएको छ ।
देशको बालुचिस्तान प्रान्तमा सोमबार रातिदेखि हराइरहेको हेलिकोप्टर भेटिएको सरकारी सैन्य अधिकारीहरूले मङ्गलबार जानकारी दिएका हुन् ।
हेलिकोप्टरमा रहेका छ जनाको मृत्युको छ । तीमध्ये लेफ्टीनेन्ट जनरल सर्फाज अलिको पनि मृत्यु भएको सेनाले पुष्टि गरेको छ ।
मौसमको खराबीका कारण दुर्घटना भएको प्रारम्भिक अनुसन्धानले देखाएको छ । घटनाप्रति प्रधानमन्त्री शेहबाज शरिफले गहिरो दुःख व्यक्त गरेका छन् । उनले मृतकका आफन्तप्रति सहानुभूति पनि व्यक्त गर्नुभएको छ । एएनआई
वि.सं.२०७९ साउन १८ बुधवार ०७:५५ मा प्रकाशित
