Sansar News
काठमाडौं । निरन्तर वर्षापछि झरेको पहिरोका कारण नारायणगढ–मुग्लिन सडक खण्ड आज पनि अबरूद्ध भएको छ ।
मंगलबार झण्डै २४ घण्टा अवरुद्धपछि संचालनमा आएको उक्त सडक खण्ड खुलेको चार घण्टामै पुनः अवरुद्ध भएको हो ।
लगातारको वर्षाको कारण भरतपुर महानगरपालिका–२९ नारायणगढ मुग्लिन सडक खण्डको केरावारीमा माथिबाट लेदो सहितको पहिरो खसेपछि दुईतर्फी आवत–जावत बन्द भएको चितवन प्रहरीले जाएको छ ।
बुधबार बिहान २ः३० बजेतिर खसेको लेदोसहितको पहिरो खुलाउने पहल भइरहेको छ । बाटो अवरुद्ध भएपछि हजारौ यात्रुहरु अलपत्र परेका छन् ।
पहिरो पन्छाउने कार्य भएपनि निरन्तरको वर्षाका कारण उक्त सडकखण्डको विभिन्न ठाउँमा पहिरो खसेका कारण बाटो अवरुद्ध भइरहेकोले बैकल्पिक बाटो अपनाउन मंगलबार जिल्ला प्रशासन कार्यालय चितवनले मंगलबारै अनुरोध गरेको थियो ।
वि.सं.२०७९ साउन १८ बुधवार ०८:५८ मा प्रकाशित
