Sansar News
काठमाडौं । परराष्ट्रमन्त्री डा. नारायण खड्का आगामी मंगलबार चीनको भ्रमण जाने भएका छन् । परराष्ट्र मन्त्रालयले शुक्रबार एक विज्ञप्ति जारी गर्दै परराष्ट्रमन्त्रीको चीन भ्रमणको औपचारिक घोषणा गरेको हो ।
परराष्ट्रमन्त्री डा. खड्का चिनियाँ विदेशमन्त्री वाङ यीको औपचारिक निमन्त्रणमा २४ गतेदेखि २६ गतेसम्म चीनको भ्रमण गर्न लागेका हुन् । भ्रमणका बेला दुई देशका विदेशमन्त्री द्विपक्षीय बैठकमा सहभागी हुनेछन् ।
बैठक साउन २५ गते चिनियाँ विदेश मन्त्रालयमा हुने परराष्ट्रले जनाएको छ ।
सरकारले चुनाव घोषणा गरेलगत्तै परराष्ट्रमन्त्रीको यो भ्रमणलाई अर्थपूर्णंरुपमा लिइएको छ ।
वि.सं.२०७९ साउन २० शुक्रवार १३:३३ मा प्रकाशित
