Sansar News
काठमाडौं । नेकपा एमालेले काठमाडौंको फोहोर फाल्नका लागि मेयर बालेन्द्र साहलाई सघाउने भएको छ ।
काठमाडौंमा ७१ दिनदेखि फोहोर नउठेको भन्दै मेयर साहलाई एमालेसँग सहकार्य गर्न आग्रह गरेका हुन् ।
नेता योगेश भट्टराई प्रतिनिधिसभाको बैठकमा बोल्दै काठमाडौंको फोहोर नउठेको १४ दिनको इतिहास रहेको तर, ७१ दिनसम्म काठमाडौंको फोहोर नउठेको र प्रधानमन्त्रीले कुनै पहल नगरेको आरोप लगाए ।
‘सम्बन्धीत मन्त्रीहरु बेखबर छन् । झाडा पखाला लगायत काठमाडौको फोहोरले काठमाडौंलाई डुङ्डुङती गनाउने अवस्थामा पुगेको छ । यो सरकारले कुनै पहलकदमी गर्न सक्तैन । हुति पनि छैन । म काठमाडौंका मेयर बालेन साहलाई भन्छु ठोस प्रस्तावसहित नेकपा एमालेसँग त्यो भिजन छ । दृष्टिकोण छ नेकपा एमाले पुर्ण क्षमताका साथ तपाईहरुलाई सहयोग गर्न तयार छ ।
वि.सं.२०७९ साउन २९ आइतवार १५:२५ मा प्रकाशित
