Sansar News
काठमाडौं । पछिल्लो २४ घण्टामा ४५५ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४,८२९ नमुना परीक्षमा ४५५ जना कोरोना संक्रमित थपिएका हुन् ।
आज थपिएका ४५५ जनासँगै नेपालमा हालसम्म कोरोना संक्रमित हुनेको संख्या ९ लाख ९३ हजार ३२ पुगेको छ ।
त्यसैगरी पछिल्लो २४ घण्टामा ३०२ जना कोरोना संक्रमणबाट निको भएका छन् । आज निको भएका ३०२ जनासँगै हालसम्म निको हुनेको संख्या ९ लाख ७५ हजार ६०९ पुगेको छ ।
त्यस्तै पछिल्लो २४ घण्टामा २ जना संक्रमितको मृत्यु भएको छ । आज थपिएका २ जनासँगै हालसम्म मृत्यु हुनेको संख्या ११ हजार ९८८ पुगेको छ ।
नेपालमा हाल ५ हजार ४३५ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ५ हजार २४६ संस्थागत आइसोलेशनमा १८१, आइसीयुमा ६५ र भेन्टिलेटरमा २ जनाको उपचार भइरहेको पनि मन्त्रालयले जनाएको छ ।
वि.सं.२०७९ साउन २९ आइतवार १६:२९ मा प्रकाशित
