Sansar News
काठमाडौं । काठमाडौं महानगरपालिकाका मेयर बालेन शाहले दरबारमार्गमा रहेका अवैद्य संरचनामा डोजर लगाएका छन् ।
बिहानैदेखि न्युरोडमा बनेका अवैद्य संरचनाहरुमा डोजर लगाएका बालेन लगत्तै दरबारमार्गमा पुगेर त्यहाँ बनेका अवैद्य संरचना भत्काउन निर्देशन दिएका हुन् ।
मेयर बालेनले मंगलबारदेखि नै काठमाडौंका मल लगायत फुटपाथमा बनेका अवैद्य संरचना भत्काउने अभियानको थालनी गरेका हुन् ।
उनले मंगलबार बानेश्वर क्षेत्र र बुधबार बिहान काठमाडौं मल, आरबि कम्प्लेक्स, रन्जना गल्ली लगायतमा बनेका अवैद्य संरचना भत्काएका हुन् । बालेन आजै कोटेश्वर क्षेत्रमा फुटपाथ र पार्किको अनुगमन गर्ने बताइएको छ ।
काठमाडौं उपत्यका ट्राफिक प्रहरी प्रमुख मीरा चौधरीसहित फिल्डमै पुगेका मेयर शाहले नक्सा पास गर्दा भन्दा अन्य प्रयोजनका लागि संरचना बनाइएको भन्दै अवैद्य संरचना भत्काउने अभियानमा लागेका हुन् ।
वि.सं.२०७९ भदौ ८ बुधवार १४:४३ मा प्रकाशित
