हामी सबैकाे संसारन्यूज

काठमाडौं । मुक्तिनाथ विकास बैंकमा खाता खोल्ने महिलाहरुले १ लाख रुपैयाँसम्मको बीमा सेवा पाउने भएका छन् । बैंकले ‘मुक्तिनाथ तीज विशेष अफर’ योजना अन्तर्गत उक्त सेवा दिन लागेको हो ।

यो योजना अन्तर्गत भदौ २०७९ भित्र मुक्तिनाथ विकास बैंकमा ‘मुक्तिनाथ महिला पेवा बचत खाता’ खोल्ने नारीले १ लाख रुपैयाँसम्मको चिकित्सा सम्बन्धी बीमा पाउने छन् । साथै, निःशुल्क मुक्तिनाथ भिसा डेबिट कार्ड (पहिलो वर्षको लागि), निःशुल्क मोबाइल बैंकिङ्ग (पहिलो वर्षको लागि) र ट्रानक्विलिटी स्पाको विभिन्न सेवामा ५० प्रतिशतसम्म छुट पाउने बैंकले जनाएको छ । बैंकले यो छुट यही भदौसम्मको लागि मात्र भएको जनाएको छ ।

बैंकले यो योजनामा शर्तहरु लागु हुने भएकाले थप जानकारीका लगि बैंकको नजिकैको शाखामा सम्पर्क गर्न समेत आग्रह गरेको छ । साथै, बैंकले यो योजनाले नारीहरुलाई फाइदा पुग्नेसमेत विश्वास लिएको छ ।

बैंकले हाल डिजिटल कारोबारलाई प्रोत्साहन गर्न यस विकास बैंकको एटीएम कार्ड प्रयोग गरी नेपालभरी रहेको भिसा नेटवगर्कमा आवद्ध अन्य जुनसुकै बैंकको एटीएमबाट निःशुल्क रकम झिक्न सकिने व्यवस्था गरेको जनाएको छ ।

मुक्तिनाथका ग्राहकलाई हिमाल र भिभान्ता डेन्टलमा विशेष छुट