हामी सबैकाे संसारन्यूज

काठमाडौं । एभरेस्ट बैंकले पाल्पाको तानसेनमा नयाँ एक्सटेन्सन काउन्टर सञ्चालनमा ल्याएको छ। बैंकले सेवा विस्तार गर्ने क्रममा भदौ १ गते तानसेन–७ स्थित लुम्बिनी मेडिकल कलेज एन्ड टिचिङ हस्पिटल लिमिटेडको परिसरमा नयाँ काउन्टर सञ्चालनमा ल्याएको हो।

नयाँ काउन्टर सञ्चालनमा आएसँगै पाल्पाका स्थानीयवासीले बैंकिङ सेवा लिन थप सहज हुने बैंकले जनाएको छ। काउन्टरमार्फत ग्राहकले सरल, सहज र आधुनिक बैंकिङ सुविधा प्राप्त गर्न सक्ने बैंकको विश्वास छ।

यस नयाँ काउन्टरसहित एभरेस्ट बैंकका एक्सटेन्सन काउन्टरको संख्या पाँच पुगेको छ। बैंकले ग्राहकको आवश्यकतालाई ध्यानमा राख्दै सेवा विस्तारलाई प्राथमिकता दिँदै आएको जनाएको छ।

लुम्बिनी मेडिकल कलेज तथा शिक्षण अस्पतालको परिसरमा काउन्टर सञ्चालनमा आएसँगै अस्पतालमा आउने सेवाग्राही, कर्मचारी तथा आसपासका स्थानीयवासीलाई समेत बैंकिङ कारोबारमा थप सुविधा पुग्ने अपेक्षा गरिएको छ।