हामी सबैकाे संसारन्यूज

काठमाडौं । नेपाली कांग्रेसले आजदेखि चुनावी अभियान सूरु गर्ने भएको छ । कांग्रेसले आगामी मंसिर ४ गतेको निर्वाचनलाई लक्षित गरी देशैभर ‘जनताको साथमा नेपाली कांग्रेस’ नाम दिइएको अभियान सुरु गर्दै छ ।

कांग्रेस केन्द्रीय कार्यालयका अनुसार आजदेखि भदौ २४ गतेसम्म यो अभियान सञ्चालन हुने छ । कांग्रेसले ७७ जिल्लामै केन्द्रीय सदस्य प्रतिनिधि पठाएर अभियान सञ्चालन गर्न लागेको हो ।

कांग्रेसले सातै प्रदेश कार्यसमितिबाट पनि यस अभियानका लागि जिल्ला-जिल्ला प्रतिनिधि पठाएको छ । यो अभियान सकिएपछि घरदैलोलगायत अभियान गर्ने कांग्रेसको तयारी छ ।

कांग्रेसले सत्ता गठबन्धनसँग मिलेर आगामी मंसिर ४ को प्रतिनिधि सभा र प्रदेश सभा चुनावमा जाने निर्णय गरेको थियो ।