हामी सबैकाे संसारन्यूज

रामकृष्ण शर्मा, रुपन्देही । नेत्र विक्रम चन्द नेतृत्वको नेपाल कम्युनिस्ट पार्टीको बुटवल नगर भेला बुटवलमा सम्पन्न भएको छ ।

असोजमा महाधिवेशन गर्ने तयारी गरेको उक्त पार्टीले वडा, नगर, जिल्ला हुदै केन्द्रीय महाधिवेशनको तयारी गरिरहेको छ ।

यसैबीच बिहीबार बुटवलमा सम्पन्न नगर भेलाले रोमियोको नेतृत्वमा २५ सदस्यीय कमिटी गठन गरेको छ । उक्त भेलाको प्रमुख आतिथ्यता रुपन्देही जिल्ला सेक्रेटरी बिश्वास भट्टराईले गरेका थिए ।

भेलालाई सम्बोधन गर्दै सेक्रेटरी भट्टराईले एकीकृत जनक्रान्ति मार्फत वैज्ञानिक समाजवाद स्थापना गर्नुको कुनै विकल्प नभएको बताउदै देशको लागि आहुति दिएका महान सहिदहरुको रगतलाई खेर जान नदिने प्रतिबद्धता व्यक्त गरेका थिए ।

बुटवल इन्चार्ज बिरेन्द्र बिक लगायतले शुभकामना मन्तव्य व्यक्त गर्दै बर्तमान सरकार तीनबुँदे शान्ति सम्झौता प्रति इमानदार नदेखिएकोले सचेत रहदै पार्टीले उठाएका बिचारहरुलाई जनताको विच लैजानुपर्ने बताए । रोमियोको अध्यक्षतामा सम्पन्न भेलाको संचालन आत्माले गरेका थिए ।