हामी सबैकाे संसारन्यूज

रामकृष्ण शर्मा, रुपन्देही । पर्बत रुपन्देही सेवा समाज सिद्धार्थनगरको आयोजनामा तीज मिलन कार्यक्रम सम्पन्न भएको छ ।

रुपन्देहीको भैरहवामा सम्पन्न उक्त तीज कार्यक्रम सिध्दार्थनगर समिति अध्यक्ष यादव प्रसाद सापकोटाको अध्यक्षतामा संचालित कार्यक्रममा केन्द्रीय अध्यक्ष रामकृष्ण शर्माको प्रमुख आतिथ्यता रहेको थियो ।

कार्यक्रममा प्रमुख अतिथि रामकृष्ण शर्माले तीजको परम्परा र यसको अनुकरणीय पक्षका बारेमा प्रष्ट पार्दै बिगतमा तीज पुरानो पुस्ताका सासु, आमाहरूले नयाँ पुस्ताका बुहारीहरुलाई गर्ने अन्याय अत्याचारको बिरुद्ध मुक्तिका लागि संघर्षको आब्हान गर्ने, मनका बहहरु गीतको रुपमा पोख्ने पर्वको रुपमा लिने गरेकोमा हाल सामाजिक अबस्थामा परिवर्तन आएकोले बिकासका कुरा, प्रगति कुरा, राजनीतिक विकृति, सामाजिक विसंगति बिरुद्धका गीतहरू गायर संस्कृति र परम्परालाई निरन्तरता दिने गरिएको बताए ।

तीज मिलन कार्यक्रममा निवर्तमान केन्द्रीय अध्यक्ष लोक शर्मा बस्याल, बरिस्ठ उपाध्यक्ष लेखनाथ भट्टराई, महासचिव टेकराज पौडेल, केन्द्रीय सल्लाहकार गोबिन्द प्रसाद रेग्मीले शुभकामना ब्यक्त गरेका थिए ।

केन्द्रीय कोषाध्यक्ष शारदा रेग्मी, केन्द्रीय बरिस्ठ सदस्य टुकलाल न्यौपाने, सदस्य तोलाकान्त सुनार, ओम सतिया अध्यक्ष अरुणा भुसाल, सिद्धार्थनगर समिति सल्लाहकार गणेश राज शर्मा, गोबिन्द राज पाण्डे, जनकराज पन्त, संगीता रेग्मी, राधा पाण्डे लगायत झण्डै १०० को संख्यामा पर्वतेली दिदीबहिनी तथा दाजुभाइहरुको उपस्थिति रहेको थियो ।

कार्यक्रमको संचालन नगर सचिव टिकाराम भुसाल र स्वागत कुमार केंसीले गरेका थिए ।