Sansar News
काठमाडौं । आज देशभर आंशिक देखि सामान्य बदली रही देशका केही स्थानहरूमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।
मौसम पूर्वानुमान महाशाखाका अनुसार आज दिउँसो गण्डकी प्रदेश र लुम्बिनी प्रदेशका एक–दुई स्थानमा भारी वर्षाको सम्भावना रहेको छ ।
त्यस्तै राति पनि देशभर आंशिक देखि सामान्य बदली रही गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा तथा बाँकी प्रदेशहरूका एक–दुई स्थानमा मेघ गर्जन÷चट्याङ्ग सहित हल्का देखि मध्यम वर्षाको सम्भावना रहेको महाशाखाले जनाएको छ ।
त्यसैगरी आज कन्काई, नारायणी, पश्चिम राप्ती, महाकाली र यसका सहायक नदीहरूमा बहाव उल्लेख्य बढ्ने तथा केही सहायक नदीहरूमा जलसतह सतर्कता तह आसपास पुग्न सक्ने बाढी पूर्वानुमान महाशाखाले जनाएको छ ।
त्यस्तै आज झापा, मोरङ, सुनसरी, सिन्धुपाल्चोक, नुवाकोट, धादिङ, रसुवा, तनहुँ, स्याङजा, पर्वत, नवलपरासी (ब.सु. पूर्व), नवलपरासी, ब.सु. पश्चिम), पाल्पा, रुपन्देही, कपिलवस्तु, अर्घाखाँची, गुल्मी, रोल्पा, प्यूठान, रोल्पा, बाँके, दाङ, बर्दिया, सल्यान, रुकुम पश्चिम, कैलाली, कन्चनपुर, डोटी, डडेल्धुरा र आसपास भइ बहने नदीहरुको बहाव उल्लेख्य बढ्ने महाशाखाले जनाएको छ ।
वि.सं.२०७९ भदौ १३ सोमवार १०:११ मा प्रकाशित
