Sansar News
काठमाडौं । प्रतिनिधिसभाको बैठक आज बस्दैछ ।
संसद सचिवालयका अनुसार ११ बजे बस्ने बैठकको सम्भावित कार्यसूचीमा कानुन, न्याय तथा ससंदीय मामिला मन्त्री गोविन्द्र प्रसाद शर्मा (कोइराला) ले ‘बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ माथि विचार गरियोस्’ भन्ने प्रस्ताव पेश गर्ने रहेको छ ।
त्यस्तै राज्यका निर्देशक सिद्धान्त, नीति र दायित्वको कार्यान्वयन, अनुगमन तथा मूल्यांकन समितिका सभापति निरा देवी जैरुले समितिको वार्षिक प्रतिवेदन २०७६ र समितिको एकिकृत प्रतिवेदन २९७९ पेश गर्ने कार्यसूचीमा रहेको छ ।
त्यसैगरी सभामुख अग्नि सापकोटाले राष्ट्रपति कार्यालयबाट प्राप्त विधेयक प्रमाणिकरण सम्बन्धी पत्रको व्यहोरा पढेर सुनाउने तथा नेपालको संविधानको धारा ८९ को खण्ड (च) बमोजिम प्रतिनिधिसभा सदस्यको स्थान रिक्त भएको जानकारी गराउने कार्यसूचीमा रहेको छ । नेपाली कांग्रेसका नेता तथा सांसद प्रदीप गिरिको भदौ ४ गने निधन भएपछि उनको स्थान रिक्त रहेको छ ।
वि.सं.२०७९ भदौ १३ सोमवार १०:३९ मा प्रकाशित
