हामी सबैकाे संसारन्यूज

काठमाडौं । काठमाडौं महानगरपालिकाको २४ घण्टे अल्मिेटमपछि भृकुटीमण्डपको फनपार्कले आफुले तिर्नुपर्ने कर तिरेको छ ।

महानगरको राजस्व विभागका प्रमुख शिवराज अधिकारीका अनुसार बुधबार दिइएको उक्त अल्टिमेटमपछि फनपार्क संचालक टिमले १७ लाख ३६ हजार रुपैयाँ कर महानगरको राजस्व विभागमा बुझाएको हो । अधिकारीले उत्त मनोरन्जन कर पाँचवर्षको रहेको जानकारी दिएका छन् ।

‘उहाँहरूले आज आएर केही कर बुझाएर जानुभएको छ,’ अधिकारीले भने ’अन्य कर भने तिर्नुभएको छैन ।’

त्यसैगरी फनपार्कले व्यवसाय कर पनि तिरेको छैन । उक्त कर वडामा बुझाउनु पर्नेछ । अधिकारीले आफुहरुले कर तिर्नका लागि पत्र काटिसकेको र कर तिर्नका लागि उनीहरु सकारात्मक रहेको जानकारी समेत दिएका छन् ।

समाज कल्याण परिषदको ६० रोपनी जग्गा भाडामा लिएर संचालन गरिएको उत्त, फनपार्कले कर नतिरेको भन्दै महानगरले बुधबार २४ घण्टे अल्टिमेटम दिएको थियो ।