हामी सबैकाे संसारन्यूज

काठमाडौं । प्रदेशसभा र प्रतिनिधिसभामा तालमेल गरेर जाने निर्णय गरेका सत्ता गठबन्धनका दलहरूले अहिलेसम्म पनि सीट बाँडफाँट टुंग्याउन सकेका छैनन् । पटक–पटक निर्णायक भनि बैठक बसेपनि दलहरू सहमतिमा पुग्न सकेका छैनन् ।

दलहरूले सीट बाँडफाँट गर्न गठन गरेकाे कार्यदलले पनि उचित खाका बनाउन सकेकाे छैन् । कार्यदलभित्रै मुख्यतः बाँडफाँटकाे माेडालिटीमै सहमति जुट्न सकेकाे छैन् ।

तर, माेडालिटीमै सहमति नजुटाएकाे कार्यदलले प्रतिवेदन बनाउने तयारी गरेकाे छ । कार्यदलकाे बुधबारको बैठकबाट प्रतिवेदन तयार गर्ने तयारी गरेकाे हाे । कार्यदलका एक सदस्यले बताएअनुसार अाजकाे बैठकले प्रतिवेदन टुंग्याउने छ ।

कार्यदलका एक सदस्यले बताएअनुसार प्रतिनिधि सभाका १६५ सिटसहित प्रदेश सभामा समेत सहमति जुटाउने र सोहीअनुसारको प्रतिवेदन बुझाउने कार्यदलको तयारी छ । तर कार्यदलमा सिट संख्यामा भागबण्डा कसलाई कति भनेर प्रस्ट भैसकेकाे छैन ।

तर कसले कति सिट लिनेदिने भन्ने ठोस बटमलाइन नबनाएकाले र छलफल समेत त्यो ढंगले नभएकाले भागबण्डा मिलाउन पुनः शीर्ष नेतालाई नै जिम्मा दिने तयारी भएको बुझिएको छ ।