Sansar News
काठमाडौं । नेपाल लेयर्स कुखुरापालक संघले अण्डाको नयाँ फार्म समर्थन बिक्री मूल्य निर्धारण गरेको छ। गत सातामात्र बढेको अण्डाको मूल्य आजबाट लागू हुने गरी नयाँ मूल्य निर्धारण गरिएको हो ।
देशभरका अण्डा उत्पादकहरूको राय, परामर्श तथा सिफारिसका आधारमा अण्डाको नयाँ फार्म समर्थन बिक्री मूल्य निर्धारण गरेको छ। संघ चितवनमा सम्पन्न भौतिक तथा भर्चुअल बैठकबाट गरिएको निर्णयअनुसार नयाँ मूल्य श्रावण १३ गतेदेखि लागू हुने जनाएको छ।
संघका सचिव मदन पोखरेलद्वारा जारी सूचनाअनुसार चितवनलाई आधार मानेर निर्धारण गरिएको नयाँ फार्म समर्थन मूल्यमा एक्सएल (XL) अण्डाको प्रति क्रेट रु ५४५, ठूलो अण्डाको रु ५३० र मिडियम अण्डाको रु ५०० कायम गरिएको छ। त्यसैगरी सानो अण्डाको मूल्य प्रति पेटी रु ३,००० तोकिएको छ।
संघले बजारमा अण्डाको खुद्रा बिक्री मूल्य प्रति गोटा रु २५ कायम गरी सोहीअनुसार कारोबार गर्न सबै अण्डा उत्पादक, व्यवसायी तथा सरोकारवालालाई अनुरोध गरेको छ।
देशभरका अण्डा उत्पादकहरूको सुझावका आधारमा मूल्य समायोजन गरिएको संघले जनाएको छ।
वि.सं.२०८३ साउन १३ बुधवार ०५:०० मा प्रकाशित
